giovedì 14 gennaio 2016

Un gnûf libri - MEMORIIS DI POLITICHE LINGUISTICHE - Presentazion a Udin, palaç de Province, MARTAS 19 DI ZENÂR

 
 
UN LIBRI DI NO PIERDI!!!
 
 

Immagine concessa dall'autore del saggio, Adrian Cescje,
che ringraziamo.
 
 

Cul bon acet de Province di Udine che e ospite, daspò dal salût dal president de Province Pietro Fontanini e di chel dal president de Arlef Lorenzo Fabbro

 
SI PRESENTE

"MEMORIIS
DI POLITICHE LINGUISTICHE"

di Adrian Cescje

(Cjase editore KAPPAVU)
 
 
 
MARTARS 19 DI ZENÂR
aes  h. 17.00
 
in SALE DAL CONSEI PROVINCIÂL
 
Palaç Belgrado 
 
Plaçe Patriarcjât in UDIN 
 
 
A partecipin ae presentazion, parie cul Autôr
 
Marco De Agostini
Silvana Fachin Schiavi
Sergio Salvi
Alessandra Kersevan
 
 
 .........................
 
 

(...) Al è un memoreâ e un cusî sbrendui di scrituris sepulidis sot des tantis cjartis che, come tes stratificazions gjeologjichis dai crets des nestris montagnis, mi contin di etis passadis de mê vite. In chestis Memoriis o ripuarti bocons di diari e di riflessions che tai agns o vevi metudis jù, massime in ocasion di events che o sintivi impuartants e che o fasevi in forme discontinue, no sistematiche. Cumò, la Memorie lis da dongje intune prospetive unitarie, compagn che lis fueis de Sierade, che a colin sì jù dai ramaçs sparniçadis, a câs, ma che il lunc viâl là che si poin ur da prospetive, strenzintsi viers il pont di fughe (...)  
 

Che lis identitâts si comunichedin, e je une biele robe. Che al sedi une biele robe ancje che a sparedin la plui part, chês che no son funzionâls intun mont di funzionalitât marcantîl gjeneralizade, no je mai stade par me une biele robe. No si vuadagne nuie e si piert une vore. E si ofint la civiltât.

 
A imparâ une altre lenghe si vuadagne, a capîndi la identitât culturâl storiche si vuadagne, ma a pierdi la proprie, chê che nus lee ae nestre identitât storiche, si piert e vonde.
 
Chel che si vuadagne al è in gjenar la ignorance di se, des lidrîs propriis, e une disponibilitât acritiche a ogni conformisim culturâl di importazion. La civiltât umanistiche e da valôr aes espressions umanis, e met il lôr significât intune proiezion universâl, ma lis vûl te concretece storiche che a son nassudis, chê che e je identitât. Se a son autentichis, a àn di vignî di une identitât profonde, no de omologazion funzionâl. Cun chestis ideis o soi partît che a son cuasi cincuante agns prin, de fin dai agns 60, par une bataie umanistiche e dal dirit, pe mê Tiere, pe mê int, par dut ce che o ai amât, par mê fie, par me.

 
Cumò, a mi, mi reste la memorie di ce che o ai fat.
 
 
Adrian Cescje

 
.....................
 
Compliments a Adrian Cescje par chest gnûf libri une vore impuartant e ae Cjase editore KappaVu pal so grant e preziôs lavôr editoriâl a pro de tutele de lenghe furlane che di agns e puarte indenant.
 
La Redazion dal Blog  


Nessun commento:

Posta un commento