giovedì 4 giugno 2015

PAR FURLAN ATOR PAR UDIN - 5 DI JUGN PRESENTAZION DAL N. 25 DE "LA COMUGNE"



LA COMUGNE

Riviste leterarie

in lenghe furlane

presentazion dal n. 25

..........


PAR FURLAN

ATOR PAR UDIN

 
La creativitât in lenghe furlane
si spant in dute la citât

 Il prin apontament ai 5 di Jugn
 a 6 sot sere

 

Alì de Sale Corgnali de Sezion Moderne de Biblioteche “V. Joppi” si presente il gnûf numar de La Comugne
 

Vinars ai 5 di Jugn a 6 sot sere

alì de Sale Corgnali de Biblioteche Civiche 'V. Joppi' si fevele di scriture e di leture par furlan, cu la presentazion dal n. 25 de riviste leterarie La Comugne.

La publicazion, dade fûr de KappaVu, di sù par jù vincj agns e je une vere e proprie palestre di scriture creative e un pont di riferiment par cui che al scrîf e par cui che al lei par furlan.

I contignûts de gnove jessude de La Comugne a vignaran presentâts di Paolo Cantarutti, coordenadôr editoriâl de riviste, adun cui scritôrs Raffaele Serafini e Giacomo Trevisan e cul fotograf Marco Cuoco.

L'incuintri al sarà une ocasion di confront in cont de scriture, de leture e de editorie par furlan, ancje in graciis de partecipazion di Walter Tomada, gjornalist, scritôr e studiôs di leterature furlane, e di Giuliano Velliscig  de cjase editore KappaVu.

L'apontament, che al sarà coordenât di Marco Stolfo dal Sportel pe lenghe furlane dal Comun di Udin – Furlan in Comun, al previôt ancje cualchi leture gjavade fûr dal gnûf numar de riviste.

Al sarà il prin event di Par furlan ator par Udin, che al è un cicli di iniziativis che al à chê di promovi ator pe citât la lenghe furlane e la produzion culturâl contemporanie par furlan e che al cjape dentri presentazions di publicazions e oparis audiovisivis, teatrâls e multimediâls e incuintris tematics che a tocjin la arte, la leterature, la musiche, il cine, la creativitât dai zovins, la narative pai fruts e alc altri ancjemò.

La manifestazion, che e je inmaneade de bande dal Sportel pe lenghe furlane dal Comun di Udin - Furlan in Comun, e vignarà ospitade tes sedis de Biblioteche 'V. Joppi' o in altris spazis de citât.

La partecipazion e je libare e sore nuie.
 
 

1 commento:

  1. PAR FURLAN ATOR PAR UDIN

    La creatività in lingua friulana si diffonde nella città di Udine. Primo appuntamento il 5 giugno alle 18

    Presso la Sala Corgnali della Sezione Moderna della Biblioteca “V. Joppi” si presenta il nuovo numero de La Comugne

    Venerdì 5 giugno alle 18 presso la Sala Corgnali della Biblioteca Civica 'V. Joppi' si parla di scrittura e di lettura in lingua friulana, con la presentazione del n. 25 della rivista letteraria La Comugne.

    La pubblicazione, edita da KappaVu, da quasi vent'anni è una vera e propria palestra di scrittura creativa ed un punto di riferimento per chi scrive e per chi legge “par furlan”.

    I contenuti della nuova uscita de La Comugne saranno illustrati da Paolo Cantarutti, coordinatore editoriale della rivista, insieme agli autori Raffaele Serafini e Giacomo Trevisan e al fotografo Marco Cuoco.

    L'incontro, al quale parteciperanno anche Walter Tomada, giornalista e studioso di letteratura friulana e Giuliano Velliscig della KappaVu, sarà un'occasione di confronto a più voci sulla scrittura, la lettura e l’editoria in friulano.

    L'appuntamento, moderato da Marco Stolfo dello Sportello per la lingua friulana del Comune di Udine – Furlan in Comun, prevede anche alcune letture tratte dal nuovo numero della rivista.

    Si tratta dell'evento inaugurale di Par furlan ator par Udin, ciclo di iniziative itineranti dedicato alla promozione della lingua friulana e della produzione culturale contemporanea “par furlan”, che comprende la presentazioni di libri e opere audiovisive, teatrali e multimediali e incontri tematici sull'arte, la letteratura, la musica, il cinema, la creatività giovanile, la narrativa per bambini e molto altro.

    La manifestazione, organizzata dallo Sportello per la lingua friulana del Comune di Udine – Furlan in Comun, sarà ospitata di volta in volta nelle sedi della Biblioteca 'V. Joppi' o in altri spazi della città.

    L’ingresso è libero.

    Info: www.comune.udine.it/Furlan_in_Comun..

    RispondiElimina