sabato 24 gennaio 2015

MINORANCIS LINGUISTICHIS E ECONOMIE



MINORANCIS LINGUISTICHIS

 E ECONOMIE 
 

"(…) Su la fonde de ricercje si à calcolât che il valôr potenziâl dal gaelic su la economie scozese al podarès lâ plui o mancul dai 103 ai 188 milions di euros ad an.(..)"

Font: Bòrd na Gàidhlig, 11/11/14; BBC, 12/11/14

Dal Blog

INTERNAZIONALITARI


 
Il blog di Internazionalitari al nas di une trasmission di Radio Onde Furlane e al fevele, cuntun tai nazionalitari, des nazions cence stât e des minorancis nazionâls de Europe.


Scozie: il gaelic al pues zovâ ae economie par passe 100 milions

Une ricercje svilupade de Highland and Islands Enterprise, in acuardi cun altris agjenziis scozesis e cun diviersis aministrazions locâls, e à dimostrât cemût che l’ûs de lenghe gaeliche al permeti di incressi la atrativitât e il valôr ancje comerciâl di cetantis realtâts economichis, sociâls e associativis in vore no dome intes areis là che cheste lenghe e je ancjemò inlidrisade intal teritori, ma ancje in citâts tant che Dùn Èideann / Edimburc e Glaschu / Glasgow.

La responsabile dal grup di ricercje, Rachael McCormack, e à spiegât che fin cumò si à marcât massime la dibisugne di risorsis publichis par mantignî e promovi la lenghe, ma no si à fevelât avonde de funzion impuartante dal gaelic sul plan economic e comunitari: il studi, invezit, al dimostre che il gaelic nol à dome un puest unic inte culture scozese, ma al pues jessi une risorse massime in cjamps tant che la industrie de creativitât, chê alimentâr, il turisim, il patrimoni storic, la educazion e l’aprendiment. Su la fonde de ricercje si à calcolât che il valôr potenziâl dal gaelic su la economie scozese al podarès lâ plui o mancul dai 103 ai 188 milions di euros ad an.
  

Font: Bòrd na Gàidhlig, 11/11/14; BBC, 12/11/14”


.................

E CHEST AL VÂL
 
ANCJE
 
PE LENGHE FURLANE!!

CUI LU DISIAL

AE POLITICHE REGJONÂL?

 



Nessun commento:

Posta un commento