FRIÛL - TANTIS RESONS DI BRAURE MA ANCJE UN TIC DI AVILIZION

Friûl

Tantis resons di braùre

ma ancje un tic di avilizion

(…) Cun di fat, ancjemò prime che di braùre, e je une cuistion di cussience. Magari cussi no, al sucêt ancjemò che a mancjin sei une sei chê altre. Al è ce che al salte fûr dal fat che chê che e je calcolade la associazion furlane plui impuartante e risulti impegnade a tirâ sù firmis cuintri di Paolo Villaggio. O scugnìn tornâ sul argoment, stant che il disvilup dai fats al conferme lis nestris impressions di in chê volte. Ce che al à vût scrit Villaggio no nus plâs par nuie e propit par chest nol merete dute cheste publicitât. Nus somee che il so efiet al sedi dome chel che, dongje di un comic che nol  fâs ridi, a sedin i furlans che si fasin ridi daûr.

E sì che no mancjin resons plui seriis par mobilitâsi in difese di dignitât e dirits. Cuintri di chei che a sbelein Friûl e furlans cun cuintâi di «piccola patria» e «triveneto». Cuintri di chel, president di une associazion che e dìs di vê a cûr la «friulanità» ator pal mont, che al declare che il furlan nol covente a nuie.

Cuintri des autoritâts e dai burocratis che no àn fat nuie parce che, daûr de Leç 482/1999 e dal Dpr 18/2009, e fos garantide la prime classe te scuele elementâr di Migjee. Cuintri di ducj chei che par doi francs a jemplaressin il Friûl di scovacis, di ciment e di entìmis.

--------------

LEI  DUT  L'ARTICUL

Cumò al è timp dal “Furlan pride”

EUROFURLAN - eurofurlan@gmail.comXxx

Par tancj motîfs i ultins mês di chest an a podaressin vignî calcolâts chei dal «Friulian pride» o «Furlan pride», o miôr ancjemò chei de «braùre furlane».

Chest al vâl soredut se si ten cont di une schirie di fats e di iniziativis. La presentazion de version a stampe dal Grant Dizionari Bilengâl Talian Furlan (Gdbtf) e je stade un di chescj events impuartantons, no dome pal lavôr in sé - che il so valôr sientific e la sô rilevance pe promozion de lenghe furlane pe garanzie dai dirits linguistics si jù cognosseve bielzà inte so version digjitâl — ma ancje par jessi stade une ocasion par taponâ la bocje ai specialiscj in cjacaris e trombonadis, che in cont dal Gdbtf a nd' vevin za ditis tantis. Tai dîs prime dal apontament il cuotidian di Triest al veve provât di gnûf a dâ flât a trombis e trombons, ma dopo di un pôc di tananai in rêt, la robe si è distudade e a son restadis dome lis testimoneancis di gale tant che chês di Tullio De Mauro e de Universitât di Stocolme.

Une buine dose di braùre e je rivade ancje tai dîs dîs di "Suns. Sclesis di Europe", cuant che Udin e il Friûl a son deventâts il cûr de Europe in graciis di chê che e je la specificitât plui profonde di cheste tiere e de so int: la diversitât linguistiche e culturâl.

La "Mostre dal Cine" e ancjemò di plui il "Liet International" a àn palesât cetant che al veve reson, timp indaûr, chei che al veve scrit suntun setemanâl locâl che la lenghe furlane e je la infrastruture plui impuartante, plui utile e plui ecologjiche pal nestri teritori.

Il "Liet International", in particolâr al à mostrât un nivel une vore alt di snait, di passion e di professionalitât. Di chest si son visâts in dute Europe: sperìn ancje chi di nô, soredut in prospetive.

Cun di fat, ancjemò prime che di braùre, e je une cuistion di cussience. Magari cussì no, al sucêt ancjemò che a mancjin sei une sei chê altre. Al è ce che al salte fûr dal fat che chê che e je calcolade la associazion furlane plui impuartante e risulti impegnade a tirâ sù firmis cuintri di Paolo Villaggio. O scugnìn tornâ sul argoment, stant che il disvilup dai fats al conferme lis nestris impressions di in chê volte. Ce che al à vût scrit Villaggio no nus plâs par nuie e propit par chest nol merete dute cheste publicitât. Nus somee che il so efiet al sedi dome chel che, dongje di un comic che noi fâs ridi, a sedin i furlans che si fasin ridi daûr.

E sì che no mancjin resons plui seriis par mobilitasi in difese di dignitât e dirits. Cuintri di chei che a sbelein Friûl e furlans cun cuintâi di «piccola patria» e «triveneto». Cuintri di chel, president di une associazion che e dîs di vê a cûr la«friulanità» ator pal mont, che al declare che il furlan nol covente a nuie.

 Cuintri des autoritâts e dai burocratis che no àn fat nuie parce che, daûr de Leç 482/1999 e dal Dpr 18/2009, e fos garantide la prime classe te scuele elementâr di Migjee. Cuintri di ducj chei che par doi francs a jemplaressin il Friûl di scovacis, di ciment e di entìmis.

da IL QUOTIDIANO FVG - pag.6 – nr. 217 di lunedì 12 dicembre 2011

------------------

I colori e il grassetto sono della redazione del Blog