LIET INTERNATIONAL - FESTIVAL MUSICÂL DES LENGHIS MINORITARIIS - SABIDE I 19 DI NOVEMBAR A UDIN

LIET INTERNATIONAL

sabide  i 19 di Novembar

  aes 21.00

Teatri Gnûf

"Giovanni da Udine"

U D I N

Cjale ca:

http://www.liet.nl/en/internationaal/media/audio/

Si jentre sore nuie

dopo vê ritirât un segnepuest te bilieterie dal teatri. Il ritîr al pues jessi fat ancje tai dîs prime dal conciert (N.B. da lunis 14)

Ingresso gratuito

previo ritiro di un tagliando segnaposto da ritirare al Teatro negli orari di biglietteria (N.B. da lunedi 14)

Chest an i grups in gare a saran 12:

AOIFE SCOTT- IRLANDE

COFFEESHOCK COMPANY - CRAVUATS 
CUNTRA LÖM - LADINIE
JANNA EIJER - FRISIE

MACANTA - SCOZIE

NOID - CARELIE

PRISKA  - FRIÛL

REZIA LADINA- CJANTON DAI GRISONS

ROLFFA - SAMI

SILENT WOO GORE  - UDMURTIE

SIROKA - PAÎS BASC

SKAMA LA REDE  - ASTURIIS

Il Liet International al è il plui impuartant festival musicâl des lenghis minoritariis che di simpri al promôf la musiche tes diviersis lenghis mancul pandudis de Europe.

Nassût tal 2002 in Frisie su lis fondis dal festival dedicât ae musiche frisone Liet, daspò di 10 fortunadis edizions, al à cjapât une dimension europeane, cul fin di premiâ ogni an la miôr cjançon scrite intune des tantis lenghis minoritariis feveladis in Europe.

Obietîf dal Liet International al è chel di dâ ai artiscj che a doprin une lenghe minoritarie, la pussibilitât di esibîsi suntun palc internazionâl sigurantjur la juste visibilitât.

Vuê il Liet International al è un dai plui grancj events pe promozion des minorancis linguistichis; il so valôr a nivel culturâl al è cetant alt e ricognossût di ducj. Pardabon tancj a son i spetatôrs che ogni an a seguissin il Festival (la medie e je su lis 1000 presincis), ma e je fondamentâl la atenzion dai media internazionâi (jenfri chescj BBC e CNN) e dai tancj gjornaliscj specializâts acreditâts.

Il Liet International, organizât de Fondazione Liet International in colaborazion cui diviers partner europeans jenfri Italie, Scozie, Scandinavie, Spagne, France e Irlande, di cualchi an si davuelç fûr de Frisie, juste cul fin di creâ une rêt di contats tra lis diviersis minorancis de Europe.

Tal 2006 e tal 2008 si è davuelt in Laponie, tal 2010 a Lorient in Bretagna e

tal 2011 e je la volte de Italie cun Udin.

Chest an i grups in gare a saran 12, in rapresentance di ancje tantis minorancis. Tal detai si trate di: furlan, ladin, frison, basc, asturian, sami, udmurt, scozês, karelian, cravuat (dal Burgerland austriac), rumanç, irlandês.

Une serade dulà che a sarà protagoniste la varietât linguistiche e di gjenar dal moment che si larà dal rock ae cjançon di autôr, passant par reggae, ska, struments tradizionâi in clâf dal dut gnove...

Une jurie internazionâl e sielzarà la miôr cjançon in gare, ma ancje il public al varà la pussibilitât di sielzi un vincidôr, votant in sale o di cjase par mieç di Internet.

http://www.ondefurlane.eu/